ایرانی دارالحکومت تہران میں خوفناک دھماکا، جس کے نتیجے میں 13افراد ہلاک

ایرانی خبر ایجنسی کے مطابق ایران کے دارالحکومت تہران کے شمالی علاقے میں واقع ایک میڈیکل کلینک میں دھماکا ہوا جس کے نتیجے میں13 افراد ہلاک جبکہ 6شدید زخمی ہوئے۔

تہران کے ڈپٹی گورنر حامد رضا گودارزی نے سرکاری ٹی وی کو بتایا کہ دھماکا گیس لیکج کے باعث پیش آیا۔ایران کے نائب وزیر صحت کے مطابق ہلاک ہونے والوں میں10 خواتین اور 3 مرد شامل ہیں۔

سوشل میڈیا پر وائرل ہونے والی ویڈیوز میں دیکھا گیا کہ یکے بعد دیگرے کئی دھماکے ہوئے مگر ان فوٹیج کلپس کی ابھی تک کسی نے تصدیق نہیں کی۔ایرانی فائر فائٹر ڈیپاٹمنٹ کے ترجمان جلال مالکی کے مطابق اب لگنے والی آگ پر مکمل قابو پالیا گیا ہے اور کولنگ کا عمل جاری ہے۔

کلینک انتظامیہ کے مطابق یہاں چھوٹی سرجریاں اور فوٹوگرافک امیجنگ کی جاتی تھی جس کے لیے یہاں 25 کے قریب ملازمین بھی موجود ہوا کرتے تھے۔گذشتہ ہفتے بھی تہران میں ایک حساس فوجی سائٹ کے قریب دھماکا ہوا، جو کہ وزارت دفاع کے مطابق گیس ذخیرہ کرنے والے ٹینک کے ٹوٹنے کے باعث ہوا ہے۔ البتہ اس میں کسی کی ہلاکت یا زخمی ہونے کی اطلاع نہیں تھی۔

admin

Read Previous

چین بھارت جنگ میں چین نے متنازعہ علاقے پر چین لکھ کر نیا نقشہ جاری کر دیا

Read Next

کووڈ 19 ٹیسٹ منفی آنے کے بعد پاکستانی کرکٹ ٹیم نے باقاعدہ پریکٹس شروع کر دی

Leave a Reply

Your email address will not be published. Required fields are marked *