اینہاں وگدیاں اکھاں دا قرار طیبہ
اینہاں اجڑیاں دلاں دی بہار طیبہ
جد جد رب پچھے مینوں کی چاھنا ایں
میرا اکو ای جواب ہر وار طیبہ
سانوں دِسدے نیں پئے تیرے نوری جلوے
ہویا رب وی اے تیرے تے نثار طیبہ
سارے جگ نالوں سوھنی اے نبی دی وستی
ایس دھرتی دے مکھ دا سنگھار طیبہ
آؤ رو رو منگیے دعا ایہہ سارے
رب سب نوں وکھاوے بار بار طیبہ
مکہ رج رج سوھنا اے جہان اندر
پر وکھرا اے تیرا وی نکھار طیبہ
تینوں ویکھ ویکھ دل کدی رجدا نیئیں
بھاویں ویکھ لواں تینوں لکھ وار طیبہ
