گزر کیا اے نیک مہینہ فیر قسمت دے میلے
غفلت وچ نہ وقت گزاریں مومن جاگ سویرے
گزر کیا اے نیک مہینہ
پہلا دھاکہ رحمت بھریا دوجا بخشش والا
تیجے دھاکے دوزخ ویچوں ہندا پار نکالا
پہلا دھاکہ رحمت بھریا دوجا بخشش والا
تیجے دھاکے دوزخ ویچوں ہندا پار نکالا
مڑ کے کدی وی ہاتھ نئیں اوندے گزر گئے جو ویلے
غفلت وچ نہ وقت گزاریں مومن جاگ سویرے
گزر کیا اے نیک مہینہ
تیرا جو مہمان کوئی آوے جو قسمت کھا جاوے
اے مہمان اللہ دا آوے خوشیاں دے کے جاوے
تیرا جو مہمان کوئی آوے جو قسمت کھا جاوے
اے مہمان اللہ دا آوے خوشیاں دے کے جاوے
ایسا برکت والا مہمان ایسا رحمت والا مہمان
قسمت دے وچ تیرے
غفلت وچ نہ وقت گزاریں مومن جاگ سویرے
گزر کیا اے نیک مہینہ
صبر شکر دا سبق سکھاوے اے پرنور مہینہ
شیشے ونگوں صاف کریندا اے مومن دا سینہ
صبر شکر دا سبق سکھاوے اے پرنور مہینہ
شیشے ونگوں صاف کریندا اے مومن دا سینہ
جیڑا ایدی عزت کردا جنت لاوے ڈیرے
غفلت وچ نہ وقت گزاریں مومن جاگ سویرے
گزر کیا اے نیک مہینہ
عمر گزاری غفلت دے وچ موت یاد نہ آئی
تینوں قبر یاد نہ آئی
چند دن اے رمضان دے رہ گئے توبہ کرلے بھائی
عمر گزاری غفلت دے وچ موت یاد نہ آئی
تینوں قبر یاد نہ آئی
چند دن اے رمضان دے رہ گئے توبہ کرلے بھائی
مڑ نہ آئے دنیا اتے تور گئے ایتھوں جیڑے
مڑ نہ آئے دنیا اتے تور گئے ایتھوں جیڑے
غفلت وچ نہ وقت گزاریں مومن جاگ سویرے
گزر کیا اے نیک مہینہ
رب جانے کدوں ہون گیاں فیرنال ایدے ملاقاتاں
تینوں لبھیاں مول نہ لبھ سن اے نورانیاں راتاں
رب جانے کدوں ہون گیاں فیرنال ایدے ملاقاتاں
تینوں لبھیاں مول نہ لبھ سن اے نورانیاں راتاں
مڑ کے کدی وی ہاتھ نئیں اوندے گزر گئے جو ویلے
غفلت وچ نہ وقت گزاریں مومن جاگ سویرے
گزر کیا اے نیک مہینہ
