کھیاں وچ سوہنے ماہی دی تصویر وسائی پھرناں واں
کی جانن لوکی دل وچ میں کی درد لکائی پھرناں واں
تیرے ناں دی مالا گل پاکے سارے جگ دیاں خوشیاں ٹھکرا کے
جیہڑا درد دتا تیری فرقت نے سینے نال لائی پھرناں واں
تیرا ذکر کریندیاں تھک دا نئیں کسے غیر ولے میں تک دا نئیں
جس دن دی خاک مدینے دی اکھیاں وچ پائی پھرناں واں
کوئی اوگن ہار نئیں میرے جئیا اور کوئی پردا پوش نہ تیرے جئیا
ایسے لئی تیری رحمت تے امید میں لائی پھرناں واں
اوہدے کرم بنا گل مکدی نئیں اوہدے باجھ لکایاں لکدی نئیں
جیہڑی گٹھڑی جرماں دی طاہر میں سرتے چائی پھرناں واں
