میرا کملی والا سوھنا سوھنا اے رج کے سوھنا
اوہدے ورگا نہ کوئی ہویا اوہدے ورگا نہ کوئی ہونا
سوہنے دا بلاوا آندا حاجی بن بن سج سج جاندے
اساں ہجر دے وچ پیا رونا رونا تے بُک بُک رونا
سوھنے دی دید دی خاطر اکھیاں دے دیوے بالے
ساڈی اکھ نیئیں جے سُکنی اساں مطلق نیئیں جے سونا
اساں منگتے اوسے در دے اساں نوکر اوسے گھر دے
اساں متھا ٹیکنا در تے ہو جاوے جو وی ہونا
بے ادباں تے گستاخاں دی کِرے نیئیں ڈھوئی ہونی
اوہناں دی قسمت کھوٹی اونہاں وڈنا جو ہے بونا
جیہڑا حُبِ نبی توں خالی او بندہ کسے نہ کم دا
بھاویں عابد زاہد صائم اوہدا مٹی بنیا سونا
