اے رسول امیں خاتم المرسلیں تجھ سا کوئی نہیں تجھ سا کوئی نہیں
ہے عقیدہ یہ اپنا بہ صدق و یقیں تجھ سا کوئی نہیں تجھ سا کوئی نہیں
دست قدرت نے ایسا بنایا تجھے جملہ اوصاف سے خود سجایا تجھے
اے ازل کے حسیں اے ابد کے حسیں تجھ سا کوئی نہیں تجھ سا کوئی نہیں
بزم کونین پہلے سجائی گئی پھر تیری ذات منظر پہ لائی گئی
سید الاولیں سید الا آخریں تجھ سا کوئی نہیں تجھ سا کوئی نہیں
ترا سکّہ رواں کل جہاں میں ہوا اس زمیں میں ہوا آسمان میں ہوا
کیا عرب کیا عجم سب ہے زیر نگیں تجھ سا کوئی نہیں تجھ سا کوئی نہیں
تیرے انداز میں وسعتیں فرش کی تیری پرواز میں رفعتیں عرش کی
تیرے انفاس میں خلد کی یاسمیں تجھ سا کوئی نہیں تجھ سا کوئی نہیں
سدرت ا لمنتہی رہ گزر میں تیری قاب قوسین گرد سفر میں تیری
تو ہے حق کے قریں حق ہے تیرے قریں تجھ سا کوئی نہیں تجھ سا کوئی نہیں
کہکشاں ضو ترے سرمدی تاج کی زلف تاباں حسیں رات معراج کی
لیلت ا لقدر تیری منور جبیں تجھ سا کوئی نہیں تجھ سا کوئی نہیں
مصطفیٰ مجتبیٰ تیری مدح و ثنا میرے بس میں نہیں دسترس میں نہیں
دل کو ہمت نہیں لب کو یارا نہیں تجھ سا کوئی نہیں تجھ سا کوئی نہیں
کوئی بتلا یے کیسے سراپا لکھوں کوئی ہے وہ کہ میں جس کو تجھ سا کہوں
توبہ توبہ نہیں کوئی تجھ سا نہیں تجھ سا کوئی نہیں تجھ سا کوئی نہیں
چار یاروں کی شان جلی ہے بھلی ہیں یہ صدیق فاروق عثمان علی
شاہد عدل ہیں یہ تیرے جانشیں تجھ سا کوئی نہیں تجھ سا کوئی نہیں
اے سراپا نفیس انفس دوجہاں سرور دلبراں دلبر عاشقاں
ڈھونڈتی ہے تجھے میری جان حزیں تجھ سا کوئی نہیں تجھ سا کوئی نہیں
Aey Rasool-E-Ameen Khatm-Al-Mursalin
Tujh Sa Koi Nahin, Tujh Sa Koi Nahin
Hai Aqeeda Ye Apna Ba-Sidq-O-Yaqeen
Tujh Sa Koi Nahin, Tujh Sa Koi Nahin
Bazm-E-Konain Pahle Sajayi Gayi
Phir Teri Zaat Manzar Pe Layi Gayi
Sayyad-Ul-Awwali Sayyad-Ul-Akhri
Tujh Sa Koi Nahin, Tujh Sa Koi Nahin
Mustafa Mujtaba Teri Madh-O-Sana
Mere Bas Me Nahin Dastaras Me Nahin
Dil Ko Himmat Nahin Lab Ko Yara Nahin
Tujh Sa Koi Nahin, Tujh Sa Koi Nahin
Jast-E-Qudrat Ne Aisa Banaya Tujhe
Jumla Ausaaf Se Khud Sajaya Tujhe
Aey Azal Ki Haseen Ae Abad Ke Haseen
Dhundhti Hai Tujhe Meri Jaan-E-Hazeen
Tera Sikka Rawan Kal Jahan Me Hua
Is Zameen Me Hua Asmaan Me Hua
Kiya Arab Kiya Ajam Sab Hain Zair-E-Nagin
Tauba Tauba Nahin Koi Tujh Sa Nahin
Aey Rasool-E-Ameen Khatm-Al-Mursalin
Tujh Sa Koi Nahin, Tujh Sa Koi Nahin
Hai Aqeeda Ye Apna Ba-Sidq-O-Yaqeen
Tujh Sa Koi Nahin, Tujh Sa Koi Nahin
