ایک دن مرنا ہے ،آخر موت ہے

adminمئی 22, 2021

0 189 2 منٹس پڑھیں

بحرِ غفلت یہ تیری ہستی نہیں
دیکھ جنت اس قدر سستی نہیں
راہ گزر دنیا ہے یہ بستی نہیں
جائے عیش و عشرت و مستی نہیں

ایک دن مرنا ہے ،آخر موت ہے
کر لے جو کرنا ہے ،آخر موت ہے

ہو رہی ہے عمر مثلِ برف کم
چپکے چپکے،رفتہ رفتہ،دم بدم
سانس ہے اک راہ روئے ملکِ عدم
دفعتا اک روز یہ جائے گا تھم

ایک دن مرنا ہے ،آخر موت ہے
کر لے جو کرنا ہے ،آخر موت ہے

ہے یہاں سے تجھ کو جانا ایک دن
قبر میں ہو گا ٹھکانہ ایک دن
منہ خدا کو ہے دکھانا ایک دن
اب نہ غفلت میں گنوانا ایک دن

ایک دن مرنا ہے، آخر موت ہے
کر لے جو کرنا ہے، آخر موت ہے

آخرت کی فکر کرنی ہے ضرور
جیسی کرنی،ویسی بھرنی ہے ضرور
عمر اک دن یہ گزرنی ہے ضرور
قبر میں میت اترنی ہے ضرور

ایک دن مرنا ہے، آخر موت ہے
کر لے جو کرنا ہے ،آخر موت ہے

آنے والی کس سے ٹالی جائے گی؟
جان ٹھہری جانے والی،جائے گی
روح رگ رگ سے نکالی جائے گی
تجھ پہ اک دن خاک ڈالی جائے گی

ایک دن مرنا ہے ،آخر موت ہے
کر لے جو کرنا ہے ،آخر موت ہے

عیش کر غافل نہ تو آرام کر
مال حاصل کر نہ پیدا نام کر
یادِحق دنیا میں صبح و شام کر
جس لیے آیا ہے ،وہ اپنا کام کر

Ye ‘aalam aish-o-‘ishrat ka
Ye halat kaif-o-masti ki

Buland apna takhayyul kar
Ye baten sab hai pasti ki

Jahan dar asl virana hai
Go soorat hai basti ki

Bas itni si haqeeqat hai
Fareb-e-khwab hasti ki

Ke ankhen band hon aur
Aadmi afsana ban jaye