جنہاں نوں اے نسبت او تھاواں تے ویکھو
او خوشبواں بھریاں ہواواں تے ویکھو
مدینے دی ہر چیز سوھنی تے سچی
اوہدی نور بھریاں فضاواں تے ویکھو
کبوتر مدینے دے اڈدے نے کیویں
دلاں نوں جو بھاون اداواں تے ویکھو
درِ پاک احمد تے رو رو کے میں وی
جے ستے نصیبے جگاواں تے ویکھو
میری نسبتاں دا کی پُچھدے او لوگو
سگِ طیبہ جد میں کہاواں تے ویکھو
میرے آقا مینوں وی سد لو مدینے
ایہہ اشکاں دے موتی ایہہ ہاواں تے ویکھو
