اردو شاعریغزلیں
ہر شے مسافر ہر چیز راہی – غزل علامہ اقبال
Har Shay Musafir Har Cheez Rahi - Ghazal by Poet Allama Iqbal
ہر شے مسافر ہر چیز راہی
کیا چاند تارے کیا مرغ و ماہی
تو مرد میداں تو میر لشکر
نوری حضوری تیرے سپاہی
کچھ قدر اپنی تو نے نہ جانی
یہ بے سوادی یہ کم نگاہی
دنیائے دوں کی کب تک غلامی
یا راہبی کر یا پادشاہی
پیر حرم کو دیکھا ہے میں نے
کردار بے سوز گفتار واہی
شاعر: ڈاکٹر علامہ محمد اقبال