چل نبی دے در تے دیکھیں نظارے نور دے
چل نبی دے در تے دیکھیں نظارے نور دے
قدماں دے وچ حضور دے بن جانی تیری گل
طیبہ دیاں مست ہواواں، رنگیں پر کیف فضاواں
جنت توں دور کے تھاواں، اوناں توں صدقے جاواں
اللہ دی رحمت اوتھے، بکھرے محبت اوتھے
راضی بے ہووے سوہنا، لکھنا اے اوتھے رونا
مشکل نہیں جانائل ، چل نبی دے در تے (دیوانے)
مہسن تدبیراں اوتھے، بدلن تقدیراں اوتھے
مہکن تعبیراں اوتھے، ٹوٹن زنجیراں اوتھے
دیندا اے آقا اوتھے، رجنا فقیراں اوتھے
کوئی جے تھوڑ تینوں، جنت دی لوڑ تینوں
سوہنے دابوامل، چل نبی دے در تے (دیوانے)
مہکن ایمانی کلیاں، چپکن نورانی گلیاں
چکن وجدانی کلیاں، اترن آسمانی پریاں
سوہنے دے در تے جاکے، جالی نوں سینے لا کے
عرشاں دا زینہ دیکھو، سوہنا مدینہ ویکھو
مشکل نے جاناٹل، چل نبی تے در تے (دیوانے)
سچیاں تو سوہنا سچا، اچیاں دے نالوں اچا
لگیاں نبھاون والا، امت بخشاون والا
حق دی تصویر سوہنا، نبیاں دا پیر سوہنا
سینے جے لاوے سوہنا ، جس دم بلاوے سوہنا
لگدانئیں یارو پل، چل نبی دے در تے (دیوانے)
عیباں دے دفتر دھوے، امت دی خاطر رووے
غاراں سجائیاں سوہنے، راہواں مہکائیاں سوہنے
عرشاں تے جاون والا ، فرشاں تے آون والا
ونڈ دا اے سوہنا ہا سے، بھر دا اے کیویں کاسے
ہوندا اے اونوں ول، چل نبی دے در تے (دیوانے)
سوہنے دا منکر جیڑا، ڈبے گا اورا بیڑا
دوزخ نوں جاناں اونے ، اوتھے پچھتانا اونے
چہرہ لگاوے گا او، محشر نوں رووے گا او
رہنا نہیں کج وی پلے، پینے نے اونوں کھلے
لے جانی او دی کھل، چل نبی دے در تے (دیوانے)
دکھیاوی در تے جاوے، دوری نہ وار اکھاوے
سوہنا جے کرم کماوے، اوتھے ہی موت آوے
اکھیاں چوں اتھرو چلے، چلے سونے دے ولے
پوری امید ہونی، ناصر دی عید ہونی
ساڈی وی عید ہونی، اج نئیں تے یارو کل
چل نبی دے در تے دیوانے
سید ناصرحسین چشتی