لگیاں نے موجاں ہن لائی رکھیں سوہنیاں
لگیاں نے موجاں ہن لائی رکھیں سوہنیاں
چنگے آں کہ مندے آں نبھائی رکھیں سوہنیاں
کسے نوں میں اپنا دکھڑا سنایا نئیں
تیرے باہجوں کسے مینوں سینے نال لایا نئیں
سینے نال لایا ای تے لائی رکھیں سوہنیاں
چنگے آں کہ مندے آں نبھائی رکھیں سوہنیاں
آقا دے غلاماں دا میں ادنی غلام آں
لوکی کہندے خاص میں تے عاماں تو وہی عام آں
پرده جے پایا ای تے پائی رکھیں سوہنیاں
چنگے آں کہ مندے آں نبھائی رکھیں سوہنیاں
تیرا ناں لے آقا شان میں وی پائی اے
تیرے ہاتھ ڈور سائیاں آپے ای توں چڑھائی اے
چڑھی ہوئی گڈی نوں چڑھائی رکھیں سوہنیاں
چنگے آں کہ مندے آں نبھائی رکھیں سوہنیاں
آقا تیرے نال ایہہ غلام سارے سجے نے
قسم خدا دی تساں عیب میرے کجے نے
لکے ہوئے عیاں نوں لکائی رکھیں سوہنیاں
چنگے آں کہ مندے آں نبھائی رکھیں سوہنیاں
تیرے باہجوں آقا کے خبر نہ لئی اے
بڑے چر بعد آقا میری سنی گئی اے
بنی ہوئی بات نوں بنائی رکھیں سوہنیاں
چنگے آں کہ مندے آں نبھائی رکھیں سوہنیاں
حشر دیہاڑے جدوں عملاں نوں تولنا
شرم دے مارے میں تے کج وی نئیں بولنا
کملی چہ اپنی لکائی رکھیں سوہنیاں
چنگے آں کہ مندے آں نبھائی رکھیں سوہنیاں
ضیاء اوہدی آل دا بنیاں غلام میں
ایدھے نالوں ودھ ہور لینا کی انعام میں
بنیا غلام نے بنائی رکھیں سوہنیاں
چنگے آں کہ مندے آں نبھائی رکھیں سوہنیاں
لگیاں نے موجاں لائی رکھیں سوہنیا
چنگے آں کہ مندے آں نبھائی رکھیں سوہنیاں
الحاج محمدرفیق ضیا قادری