خدا فرمایا محبوبا زمانے سارے تیرے نیں
خدا فرمایا محبوبا زمانے سارے تیرے نیں
عرش والے فرش والے دیوانے سارے تیرے نیں
میں خالق ساری دُنیا دا توں مالک ساری دنیا دا
کسے منگتے نوں نہ موڑی خزانے سارے تیرے نیں
میں شہہ رگ توں وی اقرب ہاں توں جاناں توں دی ہیں نیڑے
جو دل دے سینیاں اندر ٹھکانے سارے تیرے نیں
ازاں ہووے، نماز ہووے، درود ہووے، سلام ہووے
جو گونجن ہر طرف سوہنا ترانے سارے تیرے نیں
تیرے قبضے چے دے چھڈیا، اے تدبیراں اے تقدیراں
ستارے چن تے سیارے نشانے سارے تیرے نیں
جدوں والعصر کہہ چھڈیا نے جھگڑا کی رہیا باقی
جو گزرے نیں جو گزرن گئے زمانے سارے تیرے نیں
محبت پنجتن دی شرط ہے ایمان کامل دی
جو نعره حیدری لاون دیوانے سارے تیرے نیں
سخی داتا ولی غوث جلی ہندالولی باہو
میرے محبوبا نظراں دے نشانے سارے تیرے نیں
امیراں نال کردا نال کردا اے محبت ہر کوئی ناصر
غریباں نال محبوبا یارانے سارے تیرے نیں
سید ناصر حسین چشتی
