نعتیں
محبوب کی محفل کو محبوب سجاتے ہیں
محبوب کی محفل کو محبوب سجاتے ہیں
آتے ہیں وہی جن کو سرکار بلاتے ہیں
وہ لوگ خدا شاہد قسمت کے سکندر ہیں
جو سرور عالم کا میلاد مناتے ہیں
آقا کی ثناء خوانی دراصل عبادت ہے
ہم نعت کی صورت میں قرآن سناتے ہیں
جس کا بھری دنیا میں کوئی بھی نہیں والی
اس کو بھی میرے آقا سینے سے لگاتے ہیں
جو سرور عالم کو لج پال سمجھتے ہیں
دامان طلب بھر کر محفل سے وہ جاتے ہیں
میخوارو ذرا جانا میخانہ سرور میں
وہ جام طلب سب کو بھر بھر کے پلاتے ہیں
اللہ کے خزانوں کے مالک ہیں نبی سرور
یہ سچ ہے نیازی ہم سرکار کا کھاتے ہیں
محمد عبد الستار نیازی
