نعتیں
دنیا تے آیا کوئی تیری نہ مثال دا
دنیا تے آیا تیری نہ مثال دا
میں لبھ کے لیاواں کتھوں سوہنا تیرے نال دا
چہرہ تیرا نور ونڈے ساری کائنات نوں
رب وی درود بھیجے اک تیری ذات نوں
دو جگ قیدی تیری زلفاں دے جال دا
میں لبھ کے لیاواں کتھوں سوہنا تیرے نال دا
تیریاں تے صفتاں دا کوئی وی حساب نیں
توں نے کتھے تیریاں غلاماں دا جواب نیں
حوراں نوں تو روپ ونڈے حبشی بلال دا
میں لبھ کے لیاواں کتھوں سوہنا تیرے نال دا
مکے رہن والیا مدینے جان والیا
ٹھڈے کھان والیاں نوں سینے لان والیا
تیرے باہجوں ڈگیاں نوں کوئی نہ سنبھال دا
میں لبھ کے لیاواں کتھوں سوہنا تیرے نال دا
جیوندا اے ظہوری ناں لے کے تیریاں یاراں دا
ہوگا پیا دیواں تیرے بچیاں پیاریاں دا
گولا اے تیرا تیرے در وا تیری آل دا
میں لبھ کے لیاواں کتھوں سوہنا تیرے نال دا
محمد علی ظہوری