Unki Mahek Ne Dil Kay Ghunchey Khila Diye Hain,
Jis Raah Chal Diye Hain, Koochey Basa Diye Hain.
Ik Dil Hamara Kya Hai, Aazaar Uska Kitna,
Tum Ne to Chaltey Phirtey, Murdey Jila Diye Hain.
Unkay Nisar Koi, Kaisey Hi Runj Mein Ho,
Jab Yaad Aa Gaye Hain, Sab Gham Bhula Diye Hain.
Asra Mein Guzrey Jis Dam Berey Pe Qudsiyon Ke,
Hone Lagi Salaami, Parchum Jhuka Diye Hain.
Jab Aa Gayin Hai Josh E Rehmat Pe Unki Ankhen,
Jalte Bujha Diye Hain, Rote Hansa Diye Hain.
Mere Karim Se Gar Qatra Kisi Ne Maanga,
Dariya Baha Diye Hain, Durbe Baha Diye Hain.
Allah Re Kya Jahannam Ab Bhi Na Sard Hoga,
Ro, Ro Ke Mustafa Ne, Dariya Baha Diye Hain.
Mulk E Sukhn Ki Shahi Tum Ko Raza Musallam,
Jis Simt Aa Gaye Hain, Sikke Bitha Diye Hain.
Hum Se Faqir Bhi Ab Pheri Ko Uthte Hongey,
Ab to Ghani Ke Dar Par, Bistar Jama Diye Hain.
Aaney Do Ya Dubo Do Ab to Tumhari Janib,
Kashti Tum Hi Pe Chori, Langar Utha Diye Hain.
Dulha Se Itna Kehdo Pyarey Sawari Roko,
Mushkil Mein Hain Baraati, Purkhar Laa Diye Hain.