کی کی نہ کیتا یار نے اک یار واسطے

0 1,258

رب محفلاں سجائیاں نے سرکار واسطے

رحمت اوہدی نے لے لیا اپنی پناہ دے وچ
پائے جدوں میں سوہنے دے دو چار واسطے

دل یاد لئی بنایا اے تعریف لئی زباں
اکھیاں بنائیاں سوہنے دے دیدار واسطے

کئیاں نوں روز ہوندے نہیں دیدار آپ دے
کئی تر سدے نیں سوہنے دے دیدار واسطے

صدقہ نبی دی آل را بخشے خدا شفا
منگو دعاواں میرے جئے بیمار واسطے

کس واسطے میں غیر نوں دل وچ بٹھا لواں
ایہہ دل میرا اے احمد مختار واسطے

گزرے نیاز کی زندگی عشق نبی دے وچہ
نعتاں میں پڑھدا رہواں مٹھل منٹھار واسطے

محمدعبدالستار نیازی