امیر بھی ہے غریب بھی ہے

امیر حسین غریب حسین امیر بھی ہے غریب بھی ہے
حسین محبوبِ کبریا ہے حسین غربت کی انتہا ہے
امیر بھی ہے۔۔۔۔

حسین مقصودِ کربلا ہے حسین مظلومِ کربلا ہے
امیر بھی ہے۔۔۔۔

امیر ایسا کفن کی سوغات جس کہ روضے سے بٹ رہی ہے
غریب ایسا کہ خودکو اب تک کفن میسر نہیں ہوا ہے
امیر بھی ہے۔۔۔۔

امیر ایسا کہ جسکا جھولا نبی جھولائیں علی جھولائیں
غریب ایسا کہ جس کے بچے کا بن میں جھولا بھی جل گیا ہے
امیر بھی ہے۔۔۔۔

امیر ایسا کہ رسمِ پرداداری چلی ہے اُسی کے گھر سے
غریب ایسا کہ شام و کوفہ میںاُس کی ہمشیر بے ردا ہے
امیر بھی ہے۔۔۔۔

امیر ایسا سکینہ جیسی خدا نے بیٹی جسے عطا کی
غریب ایسا اُسی کے منہ پر کوئی تماچے لگا رہا ہے
امیر بھی ہے۔۔۔۔

امیر ایسا کہ جسکے بابا کی ملکیت میں ہے حوضِ کوثر
غریب ایسا کہ تین دن سے اُسی کو پانی نہیںملاہے
امیر بھی ہے۔۔۔۔

امیر ایسا خدا کا دیں جسکے دم سے ہے آج تک سلامت
غریب ایسا کہ رن میں جسکا بدن سلامت نہیں رہا ہے
امیر بھی ہے۔۔۔۔

امیر ایسا کہ پتھروں کوبنادے گوہر وہی تکلم
غریب ایسا کہ پتھروں میں اُسی کا لاشہ چھپا ہوا ہے
امیر بھی ہے

ameer hussain ghareeb hussain, ameer bhi hai ghareeb bhi hai
hussain mehboobe kibriya hai, hussain ghurbat ki inteha hai
ameer bhi hai….

hussain maqsoode karbala hai, hussain mazloome karbala hai
ameer bhi hai….

ameer aisa kafan ki saughaat jiske roze se bat rahi hai
ghareeb aisa ke khud ko ab tak kafan mayassar nahi huva hai
ameer bhi hai….

ameer aisa ke jis ka jhoola nabi jhulayein ali jhulayein
ghareeb aisa ke jiske bachey ka ban may jhoola bhi jal gaya hai
ameer bhi hai….

ameer aisa ke rasme parda-dari chali hai usi ke ghar se
ghareeb aisa ke sham-o-kufa may us ki hamsheer be rida hai
ameer bhi hai….

ameer aisa sakina jaisi khuda ne beti jise ata ki
ghareeb aisa usi ke moo par koi tamachey laga raha hai
ameer bhi hai….

ameer aisa ke jiski baba ki milkiyat may hai hawze kausar
ghareeb aisa ke teen din se usi ko pani nahi mila hai
ameer bhi hai….

ameer aisa khuda ka deen jiske dam se hai aaj tak salamat
ghareeb aisa ke ran may jiska badan salamat nahi raha hai
ameer bhi hai….

ameer aisa ke patharo ko bana de gohar wohi takallum
ghareeb aisa ke patharo may usi ka laasha chupa huwa hai
ameer bhi hai….